ຖ້ຳຈັງ ແມ່ນສະຖານທີ່ບ່ອນໝື່ງຂອງວັງວຽງ ທີ່ໝ້າສົນໃຈ ແລະ ຢູ່ບໍ່ໄກຫລາຍຈາກຕົວເມືອງວັງວຽງ ສາມາດເດີນທາງມາໄດ້ໄລຍະທາງປະມານ 1 ກິໂລກວ່າ ເມື່ອມາຮອດແລ້ວແມ່ນເຮົາຈະຕ້ອງຈ່າຍຄ່າເຂົ້າດ່ານທີໝື່ງ 2000 ກີບ.
ຈາກນັ້ນໃຫ້ຍ່າງຂ້າມຂົວສີສົ້ມຂ້າມແມ່ນ້ຳຊອງເຂົ້າໄປ ກ່ອນທີ່ຈະເຂົ້າໄປໃນຖ້ຳຈັງເຮົາສາມາດຖ່າຍຮູບງາມໆຢູ່ທີ່ຂົວສີສົ້ມໄດ້ ເຊີ່ງເປັນຈຸດນິຍົມຂອງຫລາຍໆ ຄົນທີ່ມັກຖ່າຍຮູບ.
ຈາກຈຸດຂົວຍ່າງເຂົ້າໄປທາງຊ້າຍມືປະມານ 200 ແມັດ ກໍ່ຈະຮອດຖ້ຳຈັງແລ້ວ ເຊີ່ງທາງໝ້າຖ້ຳມີສາຍນ້ຳໃສໆໃຫ້ເດັກນ້ອຍໂດດອາບນ້ຳຫລີ້ນ ແລະ ຖ້າແມ່ນໃຜຢາກຂື້ນໄປທີ່ເທີງຖ້ຳແມ່ນຕ້ອງໄດ້ເສຍເງີນຄ່າເຂົ້າຊົມສຳລັບນັກທ່ອງທ່ຽວແມ່ນ 15000 ກີບ ເຊີ່ງທາງຍ່າງຂື້ນປາກຖ້ຳແມ່ນຕ້ອງຍ່າງຂື້ນຂັ້ນໄດ 147 ຂັ້ນ.
ເມື່ອເຮົາມາຮອດໃນຖ້ຳເຮົາຈະຕ້ອງຕົກໃຈ ແລະ ປະຫລາດໃຈຫລາຍ ... ບໍ່ສະເພາະແຕ່ຄວາມສວຍງາມຂອງໃນຖ້ຳເທົ່ານັ້ນ ເພາະວ່າຢູ່ພາຍໃນຖ້ຳນີ້ໃຜໆ ກໍ່ຕ້ອງຄິດວ່າຈະຕ້ອງມືດໆ ແລະ ຫາຍໃຈບໍ່ອອກ ແຕ່ທີ່ຈິງແລ້ວໃນຖ້ຳແມ່ນເຢັນຫລາຍ! ອາກາດດີຫລາຍ ຫາຍໃຈກໍ່ສະດວກຄືກັບຢູ່ທາງນອກຖ້ຳ ແລະ ຍັງເຢັນຄືກັບເຮົາຢູ່ໃນຫ້ອງແອ.
ນອກຈາກນີ້ພາຍໃນຖ້ຳຍັງມີແສງສະຫວ່າງ ແລະ ເຫັນຮຸ່ງດີ ເຊີ່ງເຮັດໃຫ້ເຮົາສາມາດຍ່າງຊົມວີວໄດ້ຢ່າງສະດວກສະບາຍ
[IMAGE: https://cdn.steemitimages.com/DQmapMQWtu6hqxKvyZBSRqAsVMuu5DCyTnT14VDc9aW17Vj/IMG_20180618_6.jpg]
[IMAGE: https://cdn.steemitimages.com/DQmcBWdCUThusgTezBEne38sjnHWYApPbc9yGJBrzPvscu8/FB_IMG_1529291509413.jpg]
[IMAGE: https://cdn.steemitimages.com/DQmbdtoJaxQDvJapJXDgw6NsCjswTNUwwKAmPUg37rAaY7d/IMG_20180618_1.jpg]
[IMAGE: https://cdn.steemitimages.com/DQmX2WbmYoYorNkUoyFMYRAaps7pdjYZg57suDUYamGV8x2/IMG_20180618_2.jpg]
[IMAGE: https://cdn.steemitimages.com/DQmdXqzaWb9LiCkhM5M7UpeGLv3gYMfAM5hniEMMHWtLrDo/IMG_20180618_3.jpg]
[IMAGE: https://cdn.steemitimages.com/DQmRmdguLpTnSAMXAoZtp64k474gjxuFE9D9zAf3nwCLXeq/IMG_20180618_5.jpg]